Dat Reiterkorps vun d´r Große Kölner es nevven däm Senat und däm Närrischen Consulat eine vun dä „satzungsmäßigen“ Deiljesellschafte. Dat staatse Korps wood ald 1926 zesamme jestallt. Dat Reiterkorps es hück 140 Köpp huh. Do sin Ditzje vun 2 Johr, ävver och erfahrene Korpsfründe vun bal 90 Johr dodrunger. 50 Metjlieder sin dobei aktiv ze Päd. Zigg 1987 sin dobei de Reiterinne en ener „Amazonengruppe“ orjaniseet. All dun se sich räjelmäßich em „Ländlichen Reitverein“ ze Köln-Merheim zom traineere dreffe.
Em Rusemondaachszoch trecke 30 Reiter un Amazone op speziell usjebeld Päder met. Dat Klübche deit hückzedaachs zo denne beste Fasterlovendsreitere en Kölle zälle. Reiterliches Können, Odenung am Züjel un vell Verantwortung för Dier un Minsch steit dobei an d´r Spetz. Esu han mir och innerhalv d´r Jesellschaff en Tradition jefunge: Bei fass allen Veranstaltunge d´r Großen Kölner, steit en Avodenung vum Reiterkorps op d´r jroße Trapp em Jözenich, öm all die Jäss zo bejröße!
Zo denne Reitsportveranstaltunge außerhalb d´r Session sin all Lückcher jän wellkumme.
Selvsverständlich jit et nevven däm Reitsport och Stammdesche, Jrillfeste, ene Famillije-Nohmeddaach un en Chressfess-Fier. Dat traditionelle Feschesse en d´r jode Stuv ze Kölle, däm Jözenich, deit natürlich och dozo jehüre.